تكملة قصيدة الجديد من المري

[الطامي]

عسى الله يعاوني الى سرت بالمعكـاز = تدانت خطاوي الرجل والشوف مدانـي
ارى حاجتي عندي وكنها ورى المحواز = اعجزت اليدين اتجيبهـا حيلهـا وانـي
قليل الجدا واشوف في حاجة المعتـاز = وعيني على خيرة هل البيـت لاجانـي
ماكني قضيت العمر كله وفيـه انجـاز = مضى مثل حلم الليل واصبحت وحداني
وهذي حقيقه ياهل العرف مايعتاز = ومن طال به عمره فلا بد مايعاني
الاهي طلبتك جعلني للصراط اجتاز = الى جا نهار الورد واحساب ماكاني
وياسعدني لانادو باسمي وقالوا فاز = وعكسه عسى الله يغفر الذنب مشقاني