سحايب الأقلام

[سعود المسعد]

السلام عليكم ...
مع هزيع الليل وهتان المشاعر
المتعاقب أبى الشعر إلاّ أن
يسجل حضوره ...!

سحايب الأقلام


القاف حبلى ، بالمعاني وباحت = عن مولد أبيات ٍ بفكري ، عرضها
وحمامة الأفكار في البال ناحت = تسجع بنظم القاف وتبدي مضضها
وسحايب الأقلام هلتّ وساحت = أعيا ، تضاريس الورق ، منخفضها
علتّ مرابع ، في الحشا واستباحت = مشاعر ٍ قلبي ، تعب ما نهضها
وتناثرت دمعات عيني وطاحت = من فوق خدي ، يوم رمشي نفضها
كفكفت دمعي والعيون استماحت = أعذار ، لأفعال ٍ مزاجي فرضها
ونفسي على لومي لها مااستراحت = صار متساوي لومها مع وعضها
على بوادر فرصة ٍ ، يوم تاحت = صوت العقل ، رغم التمكّن رفضها
عقب الغزال اللي لها الروح راحت = من شفتها نفسي تزايد مرضها
مرّت تثنى ، وريحة العطر ، فاحت = بعمايل ٍ لفح الهبايب ، نقضها
تبخترت في مشيها لي ، وشاحت = خلف السواد اللي مغطي بعضها
وقامت شياطين ٍ بوجهي وصاحت = تقول خلّ النفس تدرك غرضها

مودتي لتواصلكم
محمد بن عمار


سحابه امطرت واروت مشاعرنا وذائقتنا
كم انت مبدع يابن عمار
لك ودي ومتابعتي