تجرح وتنسى وروح الصب عطشانه

[نجم الإبداع]

ياصاحبي لاتزعلني وترضيني = بعض السوالف تراها مالها خانه

شايب تغزل تبى قرب المزاييني = في كل ساعة تغني دان يادانه

وتسوي علوم ياروحي وياعيني = طربان والناس يمكن منك زعلانه

قامت تزفك على الحب الشياطين = والجسم يشرب شقى والعين سهرانه

انصحك بأ ربع ياشاعرنا وثنتيني = الاوله طوف حول البيت ور اكانه

والثانيه يافلاح ان كان تو حيني = في عمر خمسين حل القلب بايمانه

زور المساجد وصل مع المصليني = واعرف ترى النار من قدحة وصوانه

والسادسه جاك علمي بين قوسيني = العمر روضة غرامٍ جف بستانه
@@@@@@@@@@@@=@@@@@@@@@@@@@@

انته بدل يارفيقي ماتواسيني=تزيد جرحي وكنت احسبك لي عانه
قلبي على الغيد ياصنداح غاويني=لاشافه له ضبي ركّز فيه نيشانه
لو يزعل الناس تقرى في دواويني=الحمد لله ماخالفت تبيانه
اكتب حروف القصيد الي يعزيني=في وقت قطب على صاحبك حجانه
نصيحتك حق واما الحرف راعيني=مايجزل القول دون الغيد بالوانه
الحمد لله ماسك في عرى الديني=ما خالف الشرع واعرف زين حدانه
ماني من اهل الدروب العوج يالزيني=لكن قلبي عليهن فل جنحانه
قلبك خضر والذي جا منك يكفيني=والناس مادري عليه ليه حنانه

وصح لسانك يافلاح واقبل نصيحة اخوك

اهرب من كلمة حب هذا اخر ماعندي وسلامتك والسامعين


صح لسانك

والحياه بدون حب ماتصلح حدد وش الحب الي تقصده هههههههههه

شكرا لردك الجميل

لاعدمتك