][ سماوهـ ][

[عبدالعزيز الرقابي]

فعيونها سكر نبات وحلاوه=وفي خدها شامه توهج مع اللمّس
وفيها براءة طفل وألاّ الشقاوه=أوضح من الإشراق لابانت الشمس
توني علمت العين فيها غشاوه=وتوني دريت الزين ميّت على الهمس
مجنون انا مره وفيني فضاوه=وشلون اغازل بنت من عالم الأمس
ودعت انا اهل المدن بالحفاوه=ومشيت بر ٍ فيه قلبي تحمّس
لبيه ياقلب ٍعشق فـ/ البدواه=قلب ابدوي شايله مابين هالخمس
يومي لفيت الدار شفت الهداوه=وشربت فنجال ٍ تزايد به الحمّس
لولا الحيا لأشرب من ايده نقاوه=ويثنون في الدله الى غيبة الشمس
وشديت انا موادع لديرة سماوه=وتخبّر الديره ايا راكب الجمس
ديرة جمال الزين جو ٍ طراوه=يهمس بها المجنون لاصار به همس


أتمنى أن تنال رضاكم
عبدالعزيز الرقابي