ياسائلتني

[سناعيس]

عيد الماجد

صح لسانك
جزله من راس جزل
بس تنسيقك لها ضيعنا مابين الصدر والعجز
وش رايك لو صارت بالشكل هذا
لاهنت وبيض الله وجهك


ياسائلتني عن حياتـي الشقيـه=لاتذكرينـي بالالـم والمآسـي
خليني في حلم الحياة الهنيه=وخليني سالي كل جروحي وناسـي
اضحك وعلة خافقي به خفيه=والوقت حطم قوتي وهـد باسـي
ياسائلتني ارفقي بي شويـه=فينـي قهـر يابنـت لا مايقاسـي
ابحرت ورياح الليالي عتيه=وضيعت بالغبه طريـق المراسـي
صار التعب طبع معايا وفيه=ورغم التعب ماقط وطا يوم راسي
غربه وعذاب مع حياة رديه=وغدر وخيانه من هلي وكل ناسي
وتمضي حياتي واقترب للمنيه=ولازال مر الوقت في وسط كاسي
ورغم الزمن يابنت روحي وفيه=صابر انا مهما اعاني واقاسـي
مليت من كثر الحكي ياصبيـه=لا تذكرينـي بالالـم والمآسـي

..
تحياتي