كظيم
22-07-2011, 10:15 PM
نجــم الابـــداع
اشوف خياله مع الضب عثمان=قالت كلام وجيت باخذ بثاري
مانيب ضب ولو هرج طير برمان=وانتي توهقتي بشخص انتحاري
خيـّـالة الشعر
ماقلت شي وماعلي فيك يافلان=لا تنتحر بعدين تبكي العباري
اثبت علينا الهرج كان انت شرهان=والاّ فعوّد وابتعد عن مساري
نجــم الابـــداع
انا قريت حروفكم بين الاشجان=وانتي معه قلتي الخبر فالغداري
عندي عيون اشاهد الي بتطوان=والي شرب شربه روي من عذاري
خيـّـالة الشعر
الوسوسه يالمبتلي صنع شيطان=اتفل على الشيطان قبل العصاري
لا تشتكيني عند زاعط وزعطان=واسلم من الحيّه لها سمّ ناري
نجــم الابـــداع
لاتنكرين وعندي الفين برهان=هرجة قفا وش حال لو كنت داري
الحيه الرقطا لها سم ثعبان=والصقر ماياكل جلود الحباري
خيـّـالة الشعر
تسري القوافي مير مافيه نقصان=قاف الصدر سلّم على اهل الطواري
وان كان تالي الليل جرّيت الالحان=تلدغك عقرب رابيه في الصحاري
نجــم الابـــداع
تسري القوافي بالجزاله والاعلان=والقاف واضح ماعليه انشطاري
وانا ليا غنيت مثل ابن بلان=وانتي شبيه اريام فيك انفطاري
خيـّـالة الشعر
ماقلت هزل ومنت يالشيخ هزلان=لكن مدارك ماقرب من مداري
كل ن معه مويه واذا صار ضميان=يبل ريقه ثم يذرى الذراري
نجــم الابـــداع
انتي معك حكمه وانا عندي اركان=في كل ركن الصلب يصلح مزاري
وادي الضما ماياردن فيه غزلان=والشيخ مسلم ماعترف بالبخاري
خيـّـالة الشعر
الحكم لله وانت ياخوي لك شان=تعرف يمين الدرب والاّ يساري
وانا معي رميه وثبّت نيشان=اعرف اصيد الصيد واعرف خياري
نجــم الابـــداع
الموتر الصيني به القير خربان=لاجا الطلوع يصير فيه انكساري
والمرسدْس معروف من صنع الالمان=يمشي الدروب الكايده بالمساري
خيـّـالة الشعر
زماننا ماهو مثل سلف الازمان=لاتقرب الجمره بقرب الهزاري
هات الجزيل اللي لها ذوق واثمان=والا ّ ترى ترجع ورى بنحداري
نجــم الابـــداع
زماننا ماقد تغير والانسان=هو من تغير صار طبعه حراري
ماحب غير الجوهر ولبس كتان=ومامعي لاهل العيون استشاري
خيـّـالة الشعر
بكتال من معنى الجزايل بميزان=ودروبنا ماهي دروب ن قصاري
اي بالله انك شاعر ن صدق فنان=والقاف عندك يشتعل به شراري
نجــم الابـــداع
ياشاعره جيتك على درب الاحسان=وانتي على النيه لمستي دثاري
طاوعتي الي لانوى صاد غربان=واشوف عينه صار فيها انصواري
خيـّـالة الشعر
وآنا على النيّه ولا لي بهامان=وش لي بعينه دام فيها غباري
صح اللسان اللي على الحق عمران=شرّفتني والشعر عندك بحاري
اشوف خياله مع الضب عثمان=قالت كلام وجيت باخذ بثاري
مانيب ضب ولو هرج طير برمان=وانتي توهقتي بشخص انتحاري
خيـّـالة الشعر
ماقلت شي وماعلي فيك يافلان=لا تنتحر بعدين تبكي العباري
اثبت علينا الهرج كان انت شرهان=والاّ فعوّد وابتعد عن مساري
نجــم الابـــداع
انا قريت حروفكم بين الاشجان=وانتي معه قلتي الخبر فالغداري
عندي عيون اشاهد الي بتطوان=والي شرب شربه روي من عذاري
خيـّـالة الشعر
الوسوسه يالمبتلي صنع شيطان=اتفل على الشيطان قبل العصاري
لا تشتكيني عند زاعط وزعطان=واسلم من الحيّه لها سمّ ناري
نجــم الابـــداع
لاتنكرين وعندي الفين برهان=هرجة قفا وش حال لو كنت داري
الحيه الرقطا لها سم ثعبان=والصقر ماياكل جلود الحباري
خيـّـالة الشعر
تسري القوافي مير مافيه نقصان=قاف الصدر سلّم على اهل الطواري
وان كان تالي الليل جرّيت الالحان=تلدغك عقرب رابيه في الصحاري
نجــم الابـــداع
تسري القوافي بالجزاله والاعلان=والقاف واضح ماعليه انشطاري
وانا ليا غنيت مثل ابن بلان=وانتي شبيه اريام فيك انفطاري
خيـّـالة الشعر
ماقلت هزل ومنت يالشيخ هزلان=لكن مدارك ماقرب من مداري
كل ن معه مويه واذا صار ضميان=يبل ريقه ثم يذرى الذراري
نجــم الابـــداع
انتي معك حكمه وانا عندي اركان=في كل ركن الصلب يصلح مزاري
وادي الضما ماياردن فيه غزلان=والشيخ مسلم ماعترف بالبخاري
خيـّـالة الشعر
الحكم لله وانت ياخوي لك شان=تعرف يمين الدرب والاّ يساري
وانا معي رميه وثبّت نيشان=اعرف اصيد الصيد واعرف خياري
نجــم الابـــداع
الموتر الصيني به القير خربان=لاجا الطلوع يصير فيه انكساري
والمرسدْس معروف من صنع الالمان=يمشي الدروب الكايده بالمساري
خيـّـالة الشعر
زماننا ماهو مثل سلف الازمان=لاتقرب الجمره بقرب الهزاري
هات الجزيل اللي لها ذوق واثمان=والا ّ ترى ترجع ورى بنحداري
نجــم الابـــداع
زماننا ماقد تغير والانسان=هو من تغير صار طبعه حراري
ماحب غير الجوهر ولبس كتان=ومامعي لاهل العيون استشاري
خيـّـالة الشعر
بكتال من معنى الجزايل بميزان=ودروبنا ماهي دروب ن قصاري
اي بالله انك شاعر ن صدق فنان=والقاف عندك يشتعل به شراري
نجــم الابـــداع
ياشاعره جيتك على درب الاحسان=وانتي على النيه لمستي دثاري
طاوعتي الي لانوى صاد غربان=واشوف عينه صار فيها انصواري
خيـّـالة الشعر
وآنا على النيّه ولا لي بهامان=وش لي بعينه دام فيها غباري
صح اللسان اللي على الحق عمران=شرّفتني والشعر عندك بحاري