يامحمد القرم لاتحزن وانا عمك

[عبدالله الشويمان]

يامحمد القرم لاتحزن وانا عمك = مادام راسي يشم النود لك باقي
الهم همي انا وارتاح لايهمك = وانا لكم عد ما تشرب من الساقي
الدمِ واحد ومخلوط مع دمك = العرق واحد وشوف القلب تواقي
العين لاشافتك ادعي انا لامك = تشبه فقيد عليه الدمع دفاقي
والعوٌد ينبت مكانه عود ومسمّك = والامل بالله ِتكفى شرور لعواقي
ارقى سنودٍ وفرج همك وغمك = وانا لصعباتها لاجاتكم راقي
انا لك طويق ترقى فيه ويضمك = ان شانت الناس لك ماشانت اخلاقي
خلك صبورٍ على الدنيا ولا تهمك =لاجار وجه الزمن فالله هو الباقي

الله الله

ونعم العم ونعم العم.كفوكفو يا ابومحمد..هكذا يفعلون الرجال.

اعجبتني يقصيدتك الحانيه ..والجزله الله يجعلك ذحر لأبن اخوك واخوانه.
والله لا يحرمك وصلهم..

صح السانك يا الغالي

وبيض الله وجهك بنور الايمان,

دمت بخير وصحه وسلامه باذن الله تعالى.

ومع احترامي تقبل سلامي