ذبح الغلا

[منيع احمد القرني]

جتني وهي تبكي وفي يدها سكاكين الطعون = الوجه شاحب والخطا مع مشيها مترنحه
وقالت لي البارح لفى لابوي ناس يخطبون = والامر ما يحتاج اطول في مقامه واشرحه
ابوي قال فداهم اللي يطلبون ويامرون = وانا انفجعت وطار من جفني منامه واجرحه
والحين جيتك والسكون اصبح اعاصير وجنو ن= والليل مالي رغبه اودع نجومه واصبحه
العالم اللي داخلي لولاك ما ظني يكون = والعالم اللي حولي ادخل جوف بحره واسبحه
وانا معك ريشه تطير وترسم الواح وفنون = حتى الحروف تصير من رسمك لها ذات اجنحه
قصايدك صارت زخارف داخل القلب الحنون = وتضحيات الحب ورد حي وخيوط اوشحه
الحين جيتك قبل يذبحني فراقك دون عون = ابيك تستخرج غلاك من الفواد وتذبحه