جنب اسهيل

[نجم الإبداع]

لي صاحبٍ خابره جنب اسهيل ساكن قبل عام= واليوم بلكي غير الموجه وراح المشتري
دورت له بين الكواكب مالقيته ياحرام = ليش اختفى عني عسى ماشر! او هو مفتري
ودي بشوفه لاجل له بالقب مقدار ومقام = قفى ولا ادري وش على باله طرى يتبختري
حنا نوده وان تغير ماقعد عندي وقام=كلٌ قنع بالي كتب له في الحياه وقدري
ان كان في قلبه زعل من رمي طايش بالظلام=فانا صبرت لرمي جاني بالنهار مأثري
دمحت زلاته وطبعي دوم ماحب الملام=انسى ومن يصفح لخلانه مدحه البحتري
مايملك الرجال غير الطيب واهل الاحترام = والشهره ماترفع فقير ولا تحط اهل الزري
اهل المبادي ماتغيرهم مظاهر قوم سام = على النقاء والعشره الزينه وطيب الخطري
ماياتكبر غير ناقص عقل والي به فصام =اما اصيل الطبع ثابت لو يصير اكبر ثري
الصقر من حرصه يصيدونه بشبكات الحمام=والنمر ماينصاد غير ان كان طب العثري