،، ياللي عشانـك بدعنـا القـاف من سطــره،

[داعي الشوق]

http://www.up-king.com/almaciat/58ou1ptge91fd72jwmaa.gif (http://www.up-king.com/)

لا عادها ساعةٍ من شفت انا فيها = حبيب قلبي حزين و ضايق صدره
نقض جروحٍ قديمه كنت ناسيها = و استآثر القلب و صار الهم يا كبره
كنت انتظر شمعة افراحه يضويها = و نعيش يوم قضينا العمر ننتظره

حبيبي اللي له الابيات اغنيها = الجادل اللي ليا جا الليل هو بدره

يا زين وشبك على عيني تبكيها = لا تشب نار الحشا اللي والعٍ جمره
يكفيني اللي جرا من جور ماضيها = صاحبك ياصاحبي محتار في أمره
لوعة زماني معك الله يجازيها = أكنّها و الزمن عانيت من غدره

يا غيمة الحزن ياللي سال واديها = رويت غصون الحشا واستلحقت جذره

صفحة غرامك كتبت اسمك بعاليها = علقتها في فناء صدري على جدره
يحفّها انسام روح اللي يراعيها =حرفك بخط القلم لا ينتثر حبره

يالله عسى يبتسم حظي بتاليها =وودع الحزن بي و الهم من اسره

مشاعري لجلكم ثارت دواعيها = ياللي عشانك بدعنا القاف من سطره

http://www.up-king.com/almaciat/ivmu5kp6jvai6fv25lp6.gif (http://www.up-king.com/)