تدرين وأدري

[سناعيس]

هذه المتواضعه غزلية بعنوان ( تدرين وأدري )
آمل بأن ترقى الى مستوى ذائقتكم الشعريه
..
..

تدرين وأدري مابها من غطاوي=انك من أغلى ماخلق رب الأرباب
وإنك هواي وصرت أنا بك هواوي=وإنك شقاي ومنيتي ياغلى الأحباب
يابنت أنا من الحب غديت ذاوي=وعلى كثر ماشاف قلبي ولا تاب
قلبٍ سطابه حبك أصبح شقاوي=وبين الحنايا ياهوى البال بك ذاب
راحت حياتي كلها في رجاوي=وأقفى زمان فيه فزعات الأصحاب
ياسعد منهو بالصحاري جلاوي=ولاشاف منهو قفلو دونه الباب
أنا أشهد انه مانفعني مداوي=ولا فادني كثر التداوي والأطباب
وأنا أشهد انه من كبار البلاوي=كون المصير يصير في يدين الأغراب
أنا أدري إن الجرح أمرٍ سماوي=لكن بعد أدري كويته ولا طاب
ياليت لي جنحان مثل النداوي=وأكفخ وهو من باب فعلي للأسباب
وآخذك عنوه من له إبليس قاوي=واظفر بشخصك مع عيونك والاهداب
الموت عندي والحياة متساوي=أبيك لو دونك قطع روس وأرقاب
..
..

سناعيس
7/3/1428هـ