دمعي طفحّ الغترة

[محمد بن عمار]

الصـدر ضايـق مـن الديـرة وأهاليهـا
ماعـاد أميـز ظـلام الليـل مــن فـجـرة
أزريت من ونة ٍ في الجـوف مخفيهـا
لاجـيـت أبــا أكنـهّـا خانتـنـي العـبـرة
مـع الـذي يـوم جيـت البيـت أعزّيـهـا
ما أخفيت أنا دمعي اللي طفحّ الغتـرة
أطلب عسى الله على هالحال يرضيها
ويجبرعزاها على اللي راح فـي قبـره
الله يبيحـه ، عـدد مـا هــلّ ، هافيـهـا
واعداد ما هل ّ مزن السيل مـن قطـرة
ويجـزاه ، جنـة نعيـم ٍ ، خالـد ٍ فيـهـا
ويبشرّه بالـذي ، بشـرّ ، بـه العشـرة
الموت ، مـا فيـه نفـس ، إلا موافيهـا
والحـي ، لابـد باكـر ، ينتهـي عـمـره
مـا دايـم ٍغيـر وجهـه ، يـوم يحييـهـا
يوم ٍ تشاخص به الأبصار في سكـرة
يوم ٍ به الناس ، تلهى ، عن ذراريها
وكـل ٍ علـى قـد فعلـه ، ينعطـى قــدرة


الله يغفر له ويرحمه
ويعظم اجركم ويصبر اهله وعياله
وهذا طريق كلنا سالكينه
صح لسانك
وافية من وفي لمن يستحق الوفاء


اختي الكريمة همسااات
الله يجزاك خير والشهر عليك مبارك
الله يغفر له ويرحمه ويسكنه الجنة
ولا اراكم الله مكروه ٍ في عزيز لديكم