الا يازين لثغتها

[عبدالعزيز العمار]

أذوب بصوتها الساحر وتأسرني تناغيمه=يجرجرني خيالي كل ما دنّت بضحكتها

الى مني زهمت وردّت بلثغه وترنيمه=تزلزلني بقولة مرحبا يازين لثغتها

اقول الها القمر ظاهر وقولي راحت الغيمه=وقولي رقرقت عيني بدمع(ن)شق وجنتها

عشان لسانها بال(رّا)رهيب وله تقاسيمه=أجل لثغه ولكن مثلها اللثغه صناعتها

ولو ان الحروف تزاد زيدت (راءها)قيمه=وخلو الحرف(را) للقافيه يظبط صياغتها

الايازين حظي يومه اقبل يشبه الديمه=هطوله عذب وحظوره تسر النفس شوفتها

وانا احبه اذا افصح وحتى في تحاطيمه=امير الحرف لو يعجم ومن فمّه تجي أشْها

واذا الضحكه جمال اشلون خلي في تباسيمه=أكيد ان القمر والشمس تتابع برق بسمتها

ولكنه بدر ساطع بضحكه او تجاهيمه=ولا تحتاج للضحكه تكمل به اناقتها

هي الموديل والموضه عليها اللبس له قيمه=اجل يزها اللباس وما حد(ن) من طلته أبها

شاعرنا القدير أبوأنس ...

ماشاء الله تبارك الرحمن على الروعة والإتقان ...

أبدعت في التصوير الإبداعي وجزالة المعنى ...

صح لسانك وجاد بيانك ...

تقبل اجمل تحيه وتقدير...