الوصوف العجيبه

[هاوي نجد]

مرو علي عقب العصر داخل السوق = ثلاث والرابع عجوز لها العوق
انشهد انهم غاية الفن والذوق = من شافهم ريّض ولوكان عجلان
مريت انا من خلف الاول ونيت = قلت اسمحولي لو تلقفت وخطيت
من شفتكم ماعاد لناس لديت = ودي بخوتكم ولو كنت غلطان
قالو نبيك تميز الزين فينا = ونظر بعينك لا تعدا علينا
حنا لحكمك ياولد طايعينا = ماحن نبيك تجيب شاهد وبرهان
قلت آه سهلتو علي الطريقه = فيكم نحيلة عود بيضاء دقيقه
من عينها ترسل سهوم الحريقه = وتشب في قلوب المحبين نيران
والثانيه سمراء لها سكب قامه = طريحها ماله بعدها سلامه
عفي وروفي ورحمي ياحمامه = ياحلوة التغريد في روس الاغصان
والثالثه مافي العذارى كماها = ولابعد وصلن على مستواها
ياويل حالي يوم تقصر خطاها = تمشي ويتمايل بها عود ريان
هاذي وصوف اهل الوصوف العجيبه = كلن من هل الود حضه نصيبه
والرابح اللي ما يفارق حبيبه = ماهو سواتي يقضي الليل سهران