قصائد كوميديه للطائر المهاجر

[الطائر المهاجر]

ومن صتامة العود ... استمر الشايب الهندي في خداعه ، وقال له :
شوف هنا فيه كله مسلم ، انت يشوف بنت من بعيد من وندو في البيت
وبالفعل خذ الشويب معه لبيت ، فيه هكالمجلس الوسيع وفرشه جديد
ووراه الدريشه او الوندوا على قولته ، وقال له ، بعد شويه رايح البنت
توقف فيها وانت يشوف . وقدمت له بعض العصيرات ، اللي من شربها
انقلبت سحلة راسه ، وهو متنح ينتظر الدريشة تفتح ويشوف البنت.
الشايب الهندي ، الخبيث من الجهة الثانية ، كان عارف ان صاحبة الصورة ممثلة
هندية مشهورة ، فكلما في الأمر شغل الفيديو وطلع صورتها ، وثبتها
وقرب التلفاز حتى صار اللي في الجلس يشوف البنت بوضوح ...
ودخل على الشايب وفتح الستارة ، الا يوم ان الشايب فلخت عيونه ، وبدا
يتلمض ، قال هذي اللي ابتزوج ، قال الهندي ايوه انت رجال كويس تستاهل ،
قال طيب انا اعرف ان هذي هي زوجة سعيدان ، قال اللي عند سعيدان اختها الكبيرة
فالبنتين يتشابهون ، قال الشايب خلاص توكلت على الله ، رح جب المأذون ،
ونا ابنتظرك ، قال الهندي طيب ، بس انا لازم يصك الدريشة ، والبنت تروح الشغل ..
وشغل على الشايب شريط قرآن وخلاه ..
طلع الهندي ، وهو عارف ان لو جاب شيخ اصلي مارياح تضبط الشغله ، ويتذكر ان
فيه بار حولهم ومعظم الزباين من الشيبان الهنود الداجين ، ولكن عليهم لحاء طويله
فأخذ واحد منهم ، ومعه اثنين منهم شهود ، ودبسوا الشايب في عقد زواج وهمي
وخذوا قريشاته ، وقالوا له خلاص انت فيه زواج في الليل ، بعد صلاة العشاء ..

والين يحين وقت صلاة العشاء ..... لنا عودة