محمد العسكر
06-09-2011, 12:28 PM
ودك
ودك
ودك
تشووووف الشوق
بعيون الاحباب
تعال
تعال
تعال
شفني وش تشوووف
بعيوني
.
.
.
.
ودك تشوف الشوق بعيون الاحباب=تعال شفني .. وش تشوف بعيوني !!
كني غريب ٍ مجلسه بين الاجناب= عنك الظروف اللي تحدك حدوني
عطني كلامك ليه ساكت ومرتاب = شبيت ناري لايغـّرك سكوني
عديت من شانك ثمانين مرقاب = حتى الهموم اللي بقلبي بكوني !!
ونثرت دمع ٍ مانحدر كود لغياب = وذكرت ناس ٍ من غلاهم خذوني
وحاولت ابفتح للقاء كل الابواب = بس السنين اللي مضت ماسعفوني
ياليتنا كنا قرابات .. وانساب = لجيك لو ان الخلايق .. نهوني
مجنونك اللي عن محبتك ما تاب = لبطيت عني غيـّر الهم لوني
الحب ماهو .. لحظة هيام .. واعجاب = حبك يساوي بالمساحات .. كوني
بعض المحبه مالها اوقات واسباب = وتبقى على طول المدى ماتهوني
انا بدونك حالتي هم واعصاب = بالله قلي كيف حالك .. بدوني !!
بيني .. وبينك لو يجي قطع الارقاب = ماحال غير الموت دونك .. ودوني
مشيت يمك اقطع اسهول وهضاب = ومليت دربي .. واتعبني ظنوني
واقول في نفسي وانا منك منصاب = وش عاد لو ان الحبايب .. نسوني
سكنت في عيني غلا وسط الاهداب = لين المحاجر من مكانك شكوني
وان كان عندك بالضماير لي عتاب = امر على روح ٍ عشانك تموني
عذرت قلب ٍ في سماء حبكم ذاب = لو شفت صدك كيف يحيي شجوني
حيــّرت في حبك معي كل الالباب = انت الهوى كله .. ومصدر جنوني !!
نذر ٍ عليّ منساك .. لو مفرقي شاب = الا .. اذا .. ان .. العرب .. كفنوني !!
وان جيت تسألني عن قلوب الاحباب = خبيت شوقي وافضحني .. عيوني
شعر / محمد العسكر
ودك
ودك
تشووووف الشوق
بعيون الاحباب
تعال
تعال
تعال
شفني وش تشوووف
بعيوني
.
.
.
.
ودك تشوف الشوق بعيون الاحباب=تعال شفني .. وش تشوف بعيوني !!
كني غريب ٍ مجلسه بين الاجناب= عنك الظروف اللي تحدك حدوني
عطني كلامك ليه ساكت ومرتاب = شبيت ناري لايغـّرك سكوني
عديت من شانك ثمانين مرقاب = حتى الهموم اللي بقلبي بكوني !!
ونثرت دمع ٍ مانحدر كود لغياب = وذكرت ناس ٍ من غلاهم خذوني
وحاولت ابفتح للقاء كل الابواب = بس السنين اللي مضت ماسعفوني
ياليتنا كنا قرابات .. وانساب = لجيك لو ان الخلايق .. نهوني
مجنونك اللي عن محبتك ما تاب = لبطيت عني غيـّر الهم لوني
الحب ماهو .. لحظة هيام .. واعجاب = حبك يساوي بالمساحات .. كوني
بعض المحبه مالها اوقات واسباب = وتبقى على طول المدى ماتهوني
انا بدونك حالتي هم واعصاب = بالله قلي كيف حالك .. بدوني !!
بيني .. وبينك لو يجي قطع الارقاب = ماحال غير الموت دونك .. ودوني
مشيت يمك اقطع اسهول وهضاب = ومليت دربي .. واتعبني ظنوني
واقول في نفسي وانا منك منصاب = وش عاد لو ان الحبايب .. نسوني
سكنت في عيني غلا وسط الاهداب = لين المحاجر من مكانك شكوني
وان كان عندك بالضماير لي عتاب = امر على روح ٍ عشانك تموني
عذرت قلب ٍ في سماء حبكم ذاب = لو شفت صدك كيف يحيي شجوني
حيــّرت في حبك معي كل الالباب = انت الهوى كله .. ومصدر جنوني !!
نذر ٍ عليّ منساك .. لو مفرقي شاب = الا .. اذا .. ان .. العرب .. كفنوني !!
وان جيت تسألني عن قلوب الاحباب = خبيت شوقي وافضحني .. عيوني
شعر / محمد العسكر