محمد بن عمار
06-09-2011, 10:45 PM
السلام عليكم /
مافيه اصعب من كلمة الفراق عندي
ما أطيقها . ودي يقول إلى اللقاء
ويغيب سنتين ولا يقول وداعا ً
ويغيب ساعتين ...!
الموااادع
يوم الموادع لج ّ بالفكر لجّاج = قامت تحشرج عبرتي مع ونيني
الكبد فاحت في الحشا توهج اوهاج = والدمع هلّ وباح خافي الكنيني
على غرير ٍفي البلد ما بعد داج = عمره ثمان وخمس واربع سنيني
وياحمس قلبي حمس بن ٍ على صاج = من فوق جمرالرمث له موقديني
يرهج على فرقاه في صدري ارهاج = وسط القفص سوات طير ٍ سجيني
ماجت بي الدنيا وكعب الرجل ماج = من عقب ما قفوّا بمضنون عيني
جرح المفارق في الحشا ماله علاج = الله على فرقا عشيري يعيني
والله ، لولا المنقدية والإحراج = لأصيح بأعلى الصوت بالحاضريني
وأقول أنا صكيّت ، بابي بمزلاج = وطويت صفحات الشقا والحنيني
أفرش لمن يشريني الأرض ديباج = ومن باعني بعته ولو هو ضنيني
لو كان مدرج في سجل الغلا إدراج = بأرشيف قلبي ماخذ ٍ ، صفحتيني
ماكل من هو ، مدّ كفّه ، بمحتاج = وما كل محتاج ٍ ، يمد اليديني
وماكل من يارد على البير هدّاج = وماكل من هو صاد ، جاب الثميني
ولايامن الدنيا على كل منهاج = لو هي صفت له يوم ، باكر تشيني
وترى الدهر مثل البحر كلما هاج = يغرق مراكب وأهلها ،، غافليني
مودتي
محمد بن عمار
مافيه اصعب من كلمة الفراق عندي
ما أطيقها . ودي يقول إلى اللقاء
ويغيب سنتين ولا يقول وداعا ً
ويغيب ساعتين ...!
الموااادع
يوم الموادع لج ّ بالفكر لجّاج = قامت تحشرج عبرتي مع ونيني
الكبد فاحت في الحشا توهج اوهاج = والدمع هلّ وباح خافي الكنيني
على غرير ٍفي البلد ما بعد داج = عمره ثمان وخمس واربع سنيني
وياحمس قلبي حمس بن ٍ على صاج = من فوق جمرالرمث له موقديني
يرهج على فرقاه في صدري ارهاج = وسط القفص سوات طير ٍ سجيني
ماجت بي الدنيا وكعب الرجل ماج = من عقب ما قفوّا بمضنون عيني
جرح المفارق في الحشا ماله علاج = الله على فرقا عشيري يعيني
والله ، لولا المنقدية والإحراج = لأصيح بأعلى الصوت بالحاضريني
وأقول أنا صكيّت ، بابي بمزلاج = وطويت صفحات الشقا والحنيني
أفرش لمن يشريني الأرض ديباج = ومن باعني بعته ولو هو ضنيني
لو كان مدرج في سجل الغلا إدراج = بأرشيف قلبي ماخذ ٍ ، صفحتيني
ماكل من هو ، مدّ كفّه ، بمحتاج = وما كل محتاج ٍ ، يمد اليديني
وماكل من يارد على البير هدّاج = وماكل من هو صاد ، جاب الثميني
ولايامن الدنيا على كل منهاج = لو هي صفت له يوم ، باكر تشيني
وترى الدهر مثل البحر كلما هاج = يغرق مراكب وأهلها ،، غافليني
مودتي
محمد بن عمار