للمملكه

[ماجد الراشد الهيري]

أفخر وأفاخروأفتخر وأتعلاّ=وأجيب أولها على الكيف وأنجز

القاف شلته في ضميري وملاّ=وانا على الموزون صنته من العجز

بأسم الوطن عيّت حروفي تخلاّ=لاصابها ميله ولاصابها هز

للشامخه النايفه المظلاّ=اللّي غلاها داخل القلب له عز

للملكه يا قلب اهلا وسهلا=حتى كلام الشعر في وصفها فز

اللّي لها تاريخ مجد(ن) مطلّا=والخير كله في مداها تجاوز

واللّي حكم في شرعها واستقّلا=عبد العزيز القايد الباني الرمز

شيخ العرب ضوهّ علينا تجلاّ=نور على كل الليالي تمركز

منه المكارم للجميله تفّلا=حد السيوف اللي من الليل تبرز

كنه سحايب في فضاها تدلّا =واسمه على التاريخ فيها تبروز

لبيه يادار(ن)علينا تحلاّ=حبك ترى بنفوسنا غالي الكنز

افديك باللي في عروقي تملاّ=وضلوع قلبي في ولاها تجهزّ

شعر \ماجد الراشد الهيري