" صوت الرجــا "

[نجد الضاوي]

منيّت نفسي في رجا شهور وسنين=عقب البطا اللي ينتخي بالأمانـي
وأنا بعد طول الصبر أعتصر ليـن= تخنقني العبرة وأمـوت بمكانـي
تعبت أنا أنطر تلتقي العين بالعين= حتى ولو لمحـة مجـرد ثوانـي
يكفي بعاده زوّد الجـرح جرحيـن= شابت عيون ً دمعها كـم يعانـي
يدري حبيبي مرقده داخلـي ويـن= أقصا مسافات الضمايـر حوانـي
بالرغم أدري مسكنه شبه عاميـن= إلا إني آآحسـه يجـوب بزمانـي
بعده دما عرق الطرق والميادييـن= ضاق الفضا في غيبته والمبانـي
رهبة خفوقي كنّها طعـن سكّيـن= وقت الفراق اللي أحسّـه كوانـي
شطّ البحر حزنه مثل حزني إثنين= هزّه شتـات الباخـرة والموانـي
هذي سواحل بحرها فرّقـت بيـن= قلب (ن) تربى داخله قلـب ثانـي
صوت الرجا ينعش قلوب المحبين= لامن صدى حسّه يجـر الأغانـي
أدري أحس الوقت في ناظري شين= إلا بقـرب اللـي يجـدد كيانـي
أكتب قصيدي وأدري القصد بيتين= من كثر شوقي له سردت المعانـي
خالي مكانه ينتظر رجعـة الزيـن= محّد قدر يسكن ضلـوع المحانـي
اللي يريّح خاطري وينـه الحيـن= ليت السحاب العذب يمّـه خذانـي