علامك ترخي النظّره

[بنت النور]

علامك ترخي النظره أذا مريت من صوبـك
توانى بالعشق لحظه وتتكبّـر علـى ذاتـك
ترى لو كنت في ميّه عرفتك من طرف ثوبك
ولو مابان فيـه الاّ مـن الخافـي بداياتـك
أنا من يوم ماشفتك وانا ميـت ومذهوبـك
أجافي النوم بعيونـي أذا بانـت علاماتـك
سواد الليل لوحالك أنا سرته علـى دروبـك
لو اخذ بالهوى دوره انا مجنـون دوراتـك
أنا احبك على حلوك وأحبك حتـى بعيوبـك
تمنىّ وش تبي أكثر أذا عيني تـرى جاتـك
تبي تعرف بعد أكثر انـا للحيـن مسلوبـك
يصوت الروح في قلبي أذا صحتـه باهاتـك
حقيقه تجمتع فيني وتتبعثر علـى اسلوبـك
وانا ماعشتها الّا علـى كيـف ابتساماتـك
عطيني بالغلا وعدك وانا اكتبهـا بمكتوبـك
واجدّدها على حولي اذا لي عمـر باوقاتـك
أبي واقول واتمنى وافسّرهـا علـى نوبـك
واصافح بالكفوف اللّـي تحنيّهـا بحنّاتـك
تصور لو على شرقك ولو هي حتى بغروبك
يلوح بقلبي الوافـي وأعانقهـا مساراتـك
شمالك زاد في وصفك وانا خلته على جنوبك
حشى والله ماضاعـت عيونـي باتجاهاتـك
أذا للحر في جسمي تظلّـل منّـه لاهوبـك
أجل وشلون في بردك أذا تنطـق عباراتـك




صح لسااااااانك ملايين

سلمت وسلم حرفك الجزل

دمت ولاهنت