ناض الفكر وإستنهض القاف معناه

[عبير الورد]

ناض الفكر واستنهض القاف معناه = وصور دلال الكيف وارها عددها
ومالت غصونه واستبدت محياه = وتاهت معاني صاحبك من مددها
اكتم بقايا صرختك باخر الاه = وشدد لجام الصبر للي جحدها
قصر الردى لو يعجبك زين مبناه = تندم بساعه ضيّع الله جهدها
والطيب يا زينه ويا زين مجناه = سحابته ما تنتهي من مددها
للعلم باب وطيب الفكر ينصاه = والجهل يهدم دار قايم عمدها
من عاشر الطيّب تحلا مزاياه = خطوه يعليها وخطوه صعدها
ومن سار في دربن من الذل ويلاه =كنه عجوزن ضاع منها سندها
تبني عليه امال وتعيش ذكراه = ماتت كمد من يوم غيبة ولدها
الغافل اللي غره المال والجاه = ما تنفعه يا كود سجده سجدها
ولو تجمع الافكار همك هو اياه =العين ما لدت لمن هو نشدها
سريت مع قافي ويا طول مسراه = ولاحت بروق الدار تشر بيدها
وناض الفكر واستنجد العقل ليلاه = وليلاه ماتت ما درت من حسدها
كم من سقيم يعيش والناس تنعاه = وكم من سليم وفرحته يفتقدها




حيا الله الشعر والجزاله واهلها

صح لسااااااانك ملايين حبيبتي

سلمتي وسلم منطوقك الجزل

ربي يعطيك العافية