ألا .. تبّت يدي إن شان طبعي *&* أو اني خنت حبك أو أخاير

[فارس القوافي]

أنا لا من ذكرتك سال دمعي = وضاق الصدر من خنق العباير

ولا بيدّي سوى لله ادعي = يجيبك لي عقب هجر وحساير

خسرتك يابعد ناسي وربعي = ولا عادت بهالدنيا خساير

كبيره طيحتي وآهات وجعي = أمام عيون ما فيها ضماير!!

تموت احلام من فرقاك وانعي = زمانً كان يجمعنا عشاير

ألا( تبّت) يدي إن شان طبعي = أو اني خنت حبّك أو أخاير

سقيت الحب من صافيه نبعي = ولجروحي ولوعاتي أساير

حساباتي بحبك دوم جمعي = يزيد الحب واذخر لك ذخاير