الحر ما يرتجي شخصٍ لئيم

[الطائر المهاجر]

الحر ما يرتجي شخصٍ لئيم= ينفع بكلمه قريب احتاجها
لو كان راع الفضل وقتٍ قديم = ايشيّم النفس عن احراجها
والرجل لامن تأثر بالحريم = حرمه تدور على مكياجها
لكن وش اللي توقع من خميم = يدربي لراسه مطفي سراجها
الحر لا من مشى دربٍ سليم= ماهمّه البوم خاوى نعاجها
لو صادفه ما يعيقه من فديم = نحو الثريا يتعلا ابراجها
والحر كالبحر في مده عظيم= عواصفه تنتخي بامواجها
ما يقبل اللي يعيل ولا الغشيم= ومن كان داره يعرف اخماجها
نفسه عزيزه ومن اصلٍ كريم = ماهوب يرخي لعين احجاجها
خوف المذله لتاريخٍ سقيم = قيدوم قومه يقود افواجها