كذا ولا كذا

[متعب المينيح]

كــذا ولا كــذا ولا كـذيــا=تعالـي يابعـد عـمـري هنـيـا
هلا بك عـد مـا ذعـذع نسيمـي=تعالـي يـوم وصلـك لـي تهيـا
ابي اجلس معك ورشف ثمانك=ترى ماعنـك يـا الغالـي كميـا
يا سيد الغيد يـا قلـب المـودي=ياجـرحـي ياطبيـبـي يـادويـا
انـا لجلـك همومـي مشغلتـنـي=تعالـي شاركينـي بـا السـويـا
تعـالـي قاسميـنـي ياحيـاتـي=صـوابٍ بـا الحشـاء غـضٍ طريـا
له اسنين ٍوانا اشكي من صوابـه=الا يــا قــو تأثـيـره عـلـيـا
تعاليـلـي تعـالـي ياغـنـاتـي=ها لمـي وكـوي العـذال كيـا
(اودك ود صـقـارٍ ٍلـطـيـره)=يبـره كـل ممـسـاء والضحـيـا
يشـوش اليـا نهـم ثـم التفتلـه=مسمـى مابـعـد جـالـه سمـيـا
غـلاك الله يجيـرك فـي ضلوعـي=تعـلا مـرقـب الـحـب الخلـيـا
تعليتـي وسـط بسـرة خفـوقـي=وعطـاك الله وجـزل بـا العطـيـا
انا روحـي ومـا تملـك يمينـي=فداء عينـاك يـا الغـض الصبيـا
فدا عيناك هـا النفـس وهواهـا=مرامـي يـا مرامـي يـا هـويـا
انـا لامـن برقلـي خـد غيـرك=يجينـي عـن سنـا برقـه عمـيـا
مرام الوقـت والوقـت ومرامـه=تعالـي يابـعـد ميـتـي وحـيـا