الطفل لامّه ألا ياويل من ضمّه

[الطائر المهاجر]

الطفل لامّه ألا ياويل من ضمّه = تسقيه من طيبها او خبث الافعالي
اما طلع صقر يرفع راس ابن عمه= والاّ طلع بوم ما يسوى ولا ريالي
مهما فعل له ابوه ولو بذل دمّه = يراه ناقص وعينه دوم للمالي
ينظر له انه مكينة صرف في الهمّه= ولا من خذا ما يبي انكره بالحالي
يمشي بدربه على ما تشتهي امه= ويركض على آبوه لا من حس بالصالي
هذا ومثله اناني كل ما همه = يكسب لذاته ويمسي خالي البالي
لانه رضع خبث هذا حاصل الجمه= ما ينتج الخبث إلا خبث الانذالي
حتى امه اللي تشوفه ماشي اليمه= يرمي بها يوم في غبّات الاهمالي
من ينوي الخير يجزا الخير لا تمّه = ومن ينوي الشر يجزا شر الاعمالي