طال الجفاء

[حمود السكراني]

ليت الذي بالقلب لرجس حنينه=يرجس حنيني وسط قلبه ملبًي

كم ليلةٍ تسري بنا محترينـه = طال الجفاء وهاجوس حبه لعبًي

حتى حروف اسمه لشوقه عوينه =لاقلت أكنُه يفضح الحرف حبي

على اللسان السين والوا يعينه = وترجع عليه السين والنون تنبي

واقفل شفاتي و التزم بالسكينة =واقول ياحرف اسمها لاتنبًًي

ياحبه اللي ماتوارت سنينه =خلك عزيز بداخل القلب مخبي

ياكثر ماقلبي يلوحه حنينه = ياحر نار فراقها وسط قلبي

يالساحل الغربي خبرتك ظنينه =يجلس على شاطيك ثم يتصلبي

بحق من هو بطاعته عابدينه =تنبيه حال اللي من الوجد صبًي

قله تراني بين حينه وحينه =شفقٍ على صوته لها مشرهبًي