اسرى ولادرى وين انا عاد مسرى ,,

[عناد الرواد]

يامحمد العمران هو ليه تسري=خل السرى ياخوك للي بيسرون
ابو مناكب يقهره كف وكري=روبج عشاه وقرنّس العام مهيون
من طير فقّاسه مهجّن ونزري=لافاد به تعلوم ولا رد لك عون
كانك سمعت بسالفة حل جذري=حلها يبن عمران او جيب قانون
حشد الهمم مرات يا صار بدري=يجعل طريق النصر بالجيب مضمون
انفث عزومك كلها بزيت مقري=ولّى تعصر الهم في كاس ليمون
الهم فنجالي والاحزان نجري=وضوي اسارجها مع ارياح كانون
واللي اداريها رغم ضيق صدري=ماهي خرافة كنت او لازم اكون
ميرنها تخطّت فضاءات صبري=وجاني معها اعصاب وآلآم قولون
والحب تالي وده السان مصري=عنده فلوس ولو ما كان مزيون
الا الذي بالحب خبرك وخبري=اللي محبتهم على الطهر والصون
واللي اقلبّها على ضو سمري=كانت خساره بخوّة اصحون وابطون
بعدك عن الحقران لو كان شبري=آخير من خوّه تجمّع على الهون
وابشرك هالحين ماضاع قدري=بين الذي مثلك وشرواك موزون
عكس الرياح السفن ياخوك تجري=وبعض الاماني تجعل الراس مدفون