إهداء بسيط إلى عمّي

[طوفـــان]

بسم الله الرحمن الرحيم


صبحكم الله بالخير والعوافي شعرائنا الأفاضل ..

بإختصار ، سبب هذه القصيدة ، كنا في مجلس على وليمةٍ أولمها عمي الشيخ ابراهيم عبدالله المسعود ، ولعلي أتيت متأخراً أنا وأخي ولم يكن في المجلس سِوى عمي وأحد أبنائه الكبار وطبعاً أكبر مني سناً ، وكنا على وشك الانتهاء من الغداء ، وإذا بأبن عمي يقول لي لما لاتمدح الوالد بقصيدة ( يقصد عمي ) وعمي موجود ، قلت والله 10 قصائد لاتفي عمي قدره وأفضاله علي ، قال لحظتها وبهذا اللفض ( بس !! عشر قصائد ، قليلة ؟ ) لحظتها شعرت بإحراجٍ شديد وكذلك عمي أصابه الحرج من الموقف ، وطبعاً حنكة عمي وسرعة البديهة ، قال 4 أبيات يمدحني فيها وكأنه يذم تصرف أبنه طبعاً برمزية ولم يصرح بهاا .. طبعاً كتبت القصيدة على قوافي ماقاله عمي ، وللأسف لا أذكر كلماته لأسردها هنا .


أقول في القصيدة :


الفكر حار وماصعب الفكر لاحار=والهاجس الواسع غدر به حماسه
عمّت البحور ودجت خطرات الاسفار=وحديت قافي والفخر جبت راسه
وسقّت المعاني سوق زينات الابكار=صفوة مغاتيرٍ تنومس بناسه
قم ياقصيدي واحمل الود تذكار=للي سمى بالعز والجود ساسه
النادر اللي حَيَر عقول وافكار=صنايعه تصعب علينا قياسه
رجال عرف ومن طويلين الاشبار=ياقف بوجه الظيم من شد باسه
فعّــال خيـر وللجزيــــلات نحّـــــار=بحـــار موجٍ مايهـــــاب انتكاسه
ياعم جيتك وانت شاعر وبيطار=منك استقيت المرجلة بالدراسه
ياعم جيتك وانت تدري بما صار=وانت الحكيم وفيض علم وفراسه
ياعم جانا من يبي كشف الاسرار=عنده شكوكٍ بالغلا وانحباسه
وده يعـاين من ورى ذيـك الاسـوار=السـور عالـي بالبناء والحراسه
ياعم قدرك مـاتوفّيه الاشعــــار=قدرك يفوق الشعر واحلى اقتباسه
وانا على نهج الكريمين الاخيار=ماحب درب أهل الردى والتعـاسه
أقـولها مـــانيب جـــاهل وعيــار=بعـض الخــلايق زينته في لباســه
والخاتمة صلّوا عدد حوم الاطيار=على النبي محارب أهل النجاسة


وسلامتكم ، وأسف على الإطالة بذكر التفاصيل


تحيتي للجميع