يقولون البلاوي لا نصت مؤمن فهو تكفير

[محمد العيباني]

يبدو ان الصديق العزيز بعد قراءة القصيدة السابقة التي حاولت فيها ترجمة احاسيسه ومشاعره
لم يقتنع بها ، فأضاف معلومات جديدة ، وطلب مني المحاولة مرة اخرى ، فلعلي هذه المرة
انجح في المهمة .
http://www.fatahilah.com/up/Tukfeer.mp3

يقولون البلاوي لا نصت مؤمن فهو تكفير= واقول ان البلاوي من عقوبات إلهيّه
فربّ البيت ما يهمل ولو يمهل بلا تأخير = ينبه من ظلم بامراض تستعصي المداويّه
ويمكن ياخذ احبابٍ لهم في دنيته تأثير= يحس النار في قلبه ولا شن يطفي الكيه
وفي اخراه يتحاسب فلا جاهٍ ولا تقدير= يغيّر حكم رب الكون في من اتبع غيّه
تنبه صاحبي ماجاك غير انذار او تحذير= تجاوزت الحدود بظلم قلبٍ صادق النيّه
طوال العمر مخلص لك ولا منّه حدث تقصير= فليش اللؤم في حقه تجازي الطيب بالسيّه
نسيت اش كنت من قبله تبي توضيح بالتذكير= فراجع بعض تاريخك ترى مفهوم وش طيّه
عطيتك ظل من وهج الجحيم وماضي التحقير= وشلتك فوق اهداب العيون وقلت محميه
ولما انجبر عظمك نسيت الكسر والتجبير = لدغت اللي جبر عظمك بسمٍ تنفثه حيّه
تحسبنه على زعمك يبي يخضع مع التخدير= ولكن سمك الواهي تلاشى وانحسر فيّه
الا يا جاهل الشيهان قدّر واحسن التفكير= حرار الطير ما ترضى تعيش بنصف حريه


الصمت ابلغ من الكلام

بصراحه يادكتور والله انك تروع

مير صح لساااااااااااااااااااانك ملالالايييين
مدد

تحيتي مع الاعجاااب