نوح الحمام.....(صوتيه)

[مروان الشيخ]

ألا يامبعد(ن) عني سلاما=بعثته لك مع نوح الحماما
وحمّلته لجل عينك أمانه=قصيده ..طرقها عذب الكلاما
حبيبي يابعد كل الحبايب=وليفي يا معلمني الغراما
يا أول نبض في قلب المتيم=شعور اللي بدنيا العشق هاما
سنين البعد وشجون المولع=برت جسمي بطعنات الحساما
غدتبي دنيتي بعدك معنّا=حطام(ن) لين ملّيت الحطاما
كرهت البيض والسمر العذارى=وقلت الغيد من بعدك حراما
حبيبي كيف يهنالك مقامك=بنجد(ن) والهوى دونه عساما
ثلاث سنين ما هزك حنينك=ولا انبت وسمها ورد الخزاما
أماني كل ما اقول التقينا=سراب(ن) ما ارتوى منه الاناما
سقى الله وقت يجمعنا حبيبي=ويبعدنا عن عيون اللئاما
اعبرلك عن احساس سكني=بصدق شعور خالطه الهياما
أضمك وانثرك وارجع وألمك=وأشمك واشربك كاس المداما
حبيبي بأنتظر لو كل عمري=ولاني باستمع فيك الملاما
وذكرك باحفظه باقصى الضماير=ويبقى فالحشا مثل الوساما
رسولي ياصلك لو كنت جافي=ولو طال السفر عشرين عاما
عسى الله يجمع القاصي بداني=وتحياتي لها مسك الختاما
حمامه..رفرفي من فوق داره=وأمانه وصلي مني سلاما/
/
http://www.7mbc.com/up/upe8/7mbc_282869403.MP3
/
/
لاستماع أفضل استخدم (headphone)


تحياتي