معذور

[وليدالبسطي]

بسم الله الرحمن الرحيم


السلام عليكم ورحمة الله


معذور




الله يجازي من فتني على ماش= وأنا غشيم ٍ في دروب المحبه

عرض علي ثم صابني حالة ارباش= وخذا خفوقي من ضلوعي وذبه

وأصبح معي في مسكنه داخل الجاش= ومحد ٍ تجرا عقب حبي يسبه

لمن ذكرته انتعش قلبي أنعاش=معذور يوم الروح والله تحبه

نسل الشيوخ اللي يهدمون الأعراش = يشهد لهم وقت ٍ قديم ومهبه

أهل الدلال الصفر ذباحة أكباش =ونار الكرم في داخل الدار شبه

لمن ذكرت فعولهم زْعلت أوباش= فقلوبهم حقد ٍ ومن دون سبه

ياصاحبي لاجيت إلى شرق طراش= سلم على عود ٍ كبير ٍ ونبه
وليدالبسطي
26/1/1433هـ