رغم ما بي من جروحٍ(بالصوت)

[الطائر المهاجر]

http://up.ftahilah.com/up/uploads/Mine/Mgloobah.rm




رغم مابي من جروحٍ تعاود نزفها المعتاد = ورغم كل الألم تبقى علي اقدار مكتوبه
احاول فيك لو تفهم ولكنك تزيد عناد = تبي امشى على نهجٍ فرضت الهم بدروبه
تراك اتعبتني وافرحت فيّ الشامت الحساد= حرقت القلب ما تدري ولو بيّن لك عيوبه
اخاف ادعي عليك بدعوة المظلوم ظلمه زاد= واخاف اسكت فلا ينفع يجيك من الله عقوبه
فانا مهما اقرّب منك اعيش القهر والانكاد= "رح الله لايردك" دعوةٍ تاصلك مقلوبه
بدل ما يبعدك عني يردك لو غويت بْعاد = لتعرف وش غلاك بقلب حطك يوم مندوبه
عطاك البوصله تبحر بعمقه للهوى تنقاد= رميت البوصله حتى خذاك الموج من صوبه
انادي غير ما تسمع ولو صوّت لك مافاد = وانا شايفك وسط البحر ما تدري عن غبوبه
احاول ارفع عماد النجاة بْشدّة الاوتاد = سحبني الموج وابعدني اعيش بشبه غيبوبه
صحى فكري على صوت الشتات ولا لقيت اسناد= ادوّر من يساعدني ولو ما شق لي ثوبه
احسبنك عتقت وتعتق اللي يشتكى الاصفاد = واثاري الوقت ما يسمح فبدرك زل بغروبه
على الله ينقشع غيم اللهيب بوارف الابراد= بمخاييلٍ على صحرا فؤادٍ بان عذروبه
نشوف الورد والنرجس وطيرٍ في الهوى نشّاد= وحبٍ كان يجمعنا يعود لسالف دروبه