نرجسيه افضحتني

[ماجد المهدي]

مساكم يا الفطاحلة نرجسي
!
!
!



نرجسيه هي طرت لي وسط جمهورن عريقه = اذهلتني كيف شعري انتشر في الجامعاتي
نرجسيه توهتني بين عشقي والعشيقه = ذكرتني وذكرتني بالسنين الماضياتي
ضحكتني واحزنتني ما بقى فرحه وضيقه = من بداية حبي اللي زارني يوم ابحياتي
يوم شفته كالغزاله في امانن هي طليقه = وارتسم هو في خيالي لا صحيت وفي مماتي
وانهبل قلبن لماجد صايرن يبلع بريقه = وانتفض منه تجنن من جماله هو يحاتي
بسمته يا ناس تهبل ما يماثلها شقيقه = ضحكته تشفي عليلي هي أحد هالشافياتي
من جنوني قلت عنه هو بشر محدن يطيقه = ما هقيت انه بيزعل أو يظن مني شماتي
مقصدي إني احبه خايفن منهو ابطريقه = يسرقه مني وقصدي يبتعد قبل الفواتي
قبل ما يأخذه مني واصطبح مثل الطليقه = لا حبيب ولا رفيقن يشترك في امنياتي
اعتذرت وقلت اسف حتى اسف ما تليقه = للاسف ودي بكلمة بالذهب هي نازفاتي
مملكه هو في فؤادي والعواطف له رقيقه = بس حبي من كلامي انطوى مع ذكرياتي
ما يبي يرحم عشيقن عبرته صارت تعيقه = لو تغنى لو تكلم يشتكي في الأمسياتي
نرجسيه افضحتني قصتي والله حقيقه = قصتي قصه لمغرم عاشقن بنت الفراتي

وسلاااااااااااااااامتكم

تحياتي

ماجد المهدي