ودك خيالي

[كريمة محمد]

يامدعـي بالـود ماعنـدك اثبـات
ودي حقيقـي وانـت ودك خيالـي
الود عندي حس ماهـوب حسبـات
اما انـت ودك مصلحـه واكتيالـي
ودك رياء ماتحسـب ايـام غبـات
فوق القبور اشوف فيـك اختيالـي
تلهث ورى الدنيا وترضى المسبات
ماتـدري ان العمـر عـدة ليالـي
تاكل ربا والرشوه تمشـي وحبـات
وانا حشا لو مـات قبلـي عيالـي
دربي ممهد وانـت دربـك مطبـات
اجيك صادق واثرك انـت احتيالـي
تعطي البشر رشفه ولك سبع شربات
قارون لـو شافـك لجـاه اعتيالـي
ولعّت فوق القصر للنـاس لمبـات
وامعنت في حبـك لجمـع الريالـي
مالك مواقف عقب موتـك بصبـات
يتربسـون القبـر فوقـك هيالـي
دام ان هــذا دأبـنـا بالمغـبـات
خوفي يجينـا مثـل ماجـاء ديالـي


رااااااااااااائع ما ابدعت شاعرنا فلاح بن منشار
عن جد قصيدة فى منتهى الاتقان والروعة
تسلم لنا اناملك يالغلا
ودمت ولا هنتتحياتى لك