قصيدتي فى مسابقة ( شاعر الملك )

[مرزوق المغيري]

قصيدتي في مسابقة شاعر الملك بقناة المرقاب









حامي حمى مكة وطيبه ويغليه=الشعب كله به فخر ونتعاشا

اكرم ملك واغلا ملك والكرم فيه=سجيةٍ نشا عليها وعاشا

من شبته حتى مشيبه مساعيه=الطيب وبروق الكرم به تواشا

مافيه شك وريب كلٍ يراعيه=بحر العطاء مروي كبود العطاشا

مدرار جوده دوم ويمد بيديه=للمملكة والشعب خيره تناشا

ملك مهوب اية ملك من حسانيه=ملك قلوب الشعب حب وبشاشا

مافيه شخص سعودي الا يحييه=بازكى تحيات الولا ماتحاشا

نقول له سمعٍ وطاعه ولبيه=في كل عينٍ له لحاف وفراشا

بعيوننا يسكن وحنا بعينيه=لنا سكن وبداخله مانناشا

رمز العداله والعداله مباديه=للعاليه يعلو سما ماتلاشا

حصنٍ تعدي عن حدوده حواميه=قمة جبل ماهوب خدٍ هشاشا

الطيب ساسه والشجاعة مجانيه=من ماكرٍ معروف ماهو خشاشا

على الجزيره ساد ماحدٍ بغاويه=مثل شعاع البدر يجلا الغباشا

بسعود الأول ينعرف من معانيه=حكمٍ مهو حكم انتخاب ونقاشا

بسيفٍ ينزل راس منهو يعاديه=كم من شجاعٍ منه صا به خراشا

بالعدل حكام العداله ترويه=من دم مخط العدل ينثر رشاشا

وفي حكم ابومتعب تحت حكم واليه=السيف دوره يحسم الأمر كاشا