يدوي بي الهاجوس يقطع بي البيد

[نفحة الطيب]

الليل طال وهاجسي دوبه يزيد = مما اوجسه وسط الضماير يشبي
يدوي بي الهاجوس يقطع بي البيد = ادواي شاهينٍ قطع في بمهبي
راعيه يدعي في علا نايف الحيد = والطير قفى عايفٍ المربي
واون ونة من فقد رضعة الديد = يتيم ام ولا رفيقٍ يلبي
ماغير له عمه تصكه بقو ايد = زوجة ابوه وللطفل ماتحبي
عليش يادنيا العنا بالشواهيد = شفنا تقلابش علينا وربي
نوب تورينا العنا بالجراهيد = ونوب لنا تقبل على مانحبي
من هولها نمشي وحن نعكس السيد = نمشي على قلة بصيره نخبي
نلهث ورى الدنياولو بالرجل قيد = مانقتنع لو نشرب المسسبي
اذنوبنا غطت على واسع الريد = ونجهر بها والمال منه نعبي
منهاالارض ماعاد تنبت عناقيد = والطير مايلقى قوارش وحبي
قالو كبار السن ماعاد به فيد = العولمه ماعاد فيها مطبي

قرب البعيد وشاخ راعي الملاهيد = حكي الحديد وموت مالك ملبي



روعه وجميل ماكتبت
ابداع واصل السماء
صح لسانك واعتلى شانك
وحفظك الرحمن من كل سووووء