كثر المقابل محدثٍ للمشاكل

[محمد عبدالله البدراني]

كثر المقابل محدثٍ للمشاكل = مع من تحبه من ضميرك وتغليه
فلا تطول الجلسه ولو كنت غافل= يجيك شيٍ منه ماكنت محريه
الناس حساسه ولا انتاب جاهل= واحد مريض وآخرٍ فيه مافيه
خذ لك اجازه وابتعد لاتجامل= تتغير الأجواء والهم ترميه
ترى غلاة الشخص لاصار راحل = ولا من وصل يبدا الغلا في تدنيه
ولا شفت عاصوفٍ بدا وانت ذاهل= فالانحناء لابد يومٍ يهديه
وان ما هدا منتاب لزمٍ تساهل = قابله في عاصوف يكتم بواقيه
فالعقل مع من ترى غير عاقل= يجعله يطمع او يصعد تحديه
فاضرب على الكايد اذا كنت باحل= ولا تخشى غير اللي بسط لك اراضيه
فللصبر حد وكل طالع بنازل = ومن لا حمى حده ترى الناس ترهيه



الله الله هذي وصفه دكتور نفسي


عزالله انك قلت الصحيح واتيت بالحكم البليغه


صدقت صدقت

مليون مليون مليون صح السانك يابو عبدالله


واعتلا شانك


كثر المقابل محدثٍ للمشاكل = مع من تحبه من ضميرك وتغليه
فلا تطول الجلسه ولو كنت غافل= يجيك شيٍ منه ماكنت محريه
الناس حساسه ولا انتاب جاهل= واحد مريض وآخرٍ فيه مافيه
خذ لك اجازه وابتعد لاتجامل= تتغير الأجواء والهم ترميه


والمجرب يقول صح مائة بالمائه


لله دررررررررك يادكتور



تحيتي وتقديري