السالفه تحتاج نظره وتحليل

[نفحة الطيب]

السلام عليكم ورحمه الله وبركاته


ابيات متواضعه .. ويارب ان القمر ما يزعل علينا .؟
اتمنى ترتقي لذائقتكم





أنا ليا مني عشقت اعشق سهيل
ولا القمر في كل يومٍ اشوفه

تركي تغزل به وغنابه شعيل
وياكثر منهم عبروا عن وصوفه

أحدٍ يسوق الوصف ما قال به ميل
بعذب الكلام وراهياتٍ حروفه

وأحدٍ خياله ما وجد به محاصيل
كل الامر عبر عن اللي بجوفه

ياصاحبي اسمع وركز على القيل
وأفهم كلامي كان عندك مروفه

السالفه تحتاج نظره وتحليل
ووقتي معك ماعاد تسمح ظروفه

لكن باحاول اختصر مثل ما قيل
واخبرك .. ما دام نفسك شغوفه

لو القمر كامل ولا فيه تبديل
ما شفت نقصانه بحزه خسوفه


صح لسانك واعتلى شانك
ولابداعك وقوة قصيدتك لا عدمناك
رجعت هنا لارتوي من ابداعك
حفظك ربي وحماك