][ قصة ضياعك ][

[عبدالعزيز الرقابي]

لاتكتبي لليل قصة ضياعك =ولاتسألين البدر عن ويش عيّا
ولاتذكري منهو اشترى ثم باعك=ولاتشتكين اليومْ لمخلوق حيّا
شفته حبيبك قاسي ٍ في وداعك=خلى بك جروح ٍ وتحتاج كيّا
غربة جسد لو هو مع الوقت لاعك=ونطوي عشانك جرهد العشق طيّا
طيعي الزمن لو هو تنازل وطاعك=وغني معي موال مع كل فيّا
راح الحبيب وماهو ناوي سماعك=وانتي هنا ماغير تشكين ليّا
ولاتكتبي لليل قصة ضياعك =ولاتسألين البدر عن ويش عيّا


اتمنى أن تحوز على رضاكم
عبدالعزيز الرقابي