ليتها توحي بنبض القلب لي وتحني

[نجم الإبداع]

العيون الحور لون الكحل ماخـذ منهـا=والكلام احلى من الشهد المصفّـى فنـي
من ورى اللثمه سهوم الموت في مكمنها=ترتعش فوق الرموش الناعسـه وتغنـي
قلت ياهل العرف روحي فيه من يضمنها=قالو ان الطرف لاسلهـم يجيـب الونـي
سيف لحظ العين مايرحم بحرب اعلنهـا=صاب قيس ابن الملوح لين منها جنـي
قلت دلونـي وقالـو حولكـم موطنهـا=وان نويت اكرب حزامك واترك اهل الزني
وانت لامنك عزمت اختر ونـقّ احسنهـا=قلت بين حجاجها قام الهـوى يعلني
كل يوم اشوفها وانشد عـن امحاسنهـا=مالقيـت اخبارهـا والعشـق متمكنـي
بلغوها شوق قلب الصـب ليتـه عنهـا=مال واتبع ميلته لـو للوغـى وصلنـي
غير لاطب الخفـوق يضيـع بمفاتنهـا=ليتها توحي بنبض القلب لـي وتحنـي