الزمن مسرح وحنا ممثلين

[الطائر المهاجر]

الزمن مسرح وحنا ممثلين= والغبي اللي بدوره ما درى
ولا درى نوع الحضور الجالسين= ولا درى الأنوار تخدع من رأى
ولا درى منهو يراقب من يمين= ولا درى الإعلام يكتب ما جرى
ان اجاد الدور كسب القادمين= وحصل اللي ماحلم به واحترى
وان خرج عن نص ماله سامعين= كود مأجورٍ يدور للثرا
حكمة الله في زمان التايهين = ومن يدل الدرب بالنفس افترى
غمض عيونك مع اللي مغمضين= وامش معهم بس لا تنظر ورا
ودام خربانه فلا لك من معين= انخرب معهم واقحش ما ترى
كود تنفع من تجد من بائسين = ما دروا فيهم ولو فوق الثرى
تحت ارجلهم كنوز القاحشين= وفوقها جوعا وبعضٍ بالعرا
ولو تشوف النخل بارض الرافدين= ما خبرنا النخل يطلع في كرا
مسرحية تكشف اللي ما يبين= من عهودٍ سالفه فيها خشرا
من حروف الضاد باقي كلمتين= الجهل نعمه بوقتٍ دحدرا