الشرهه عليّه

[مجدي صالح المبارك]

..



كل يوم (ا)فبعده اتوفى وأبعث ألف مرّه=واحترق في نار حبّه دون ذنبٍ أو خطيّه

هدّني طول النيا و مْعَذْبي لله درّه=مرهي (ا)بجرحه على الخفّاق و كفوفه نديّه

متّ فيه ومتّ عنْه و متّ من كرّه و فرّه=فوق رمضا مهجتي ياشوق والشرهه عليّه

كم خطا فيني وانا م / اخطيت به مثقال ذرّه=غير لا حزّ (ا)بمعاليقي أقول ارحم شويّه

من كثر ما هو تملّكني غدى كالشهد مرّه=يشربه صدر النوايا البيض والنيّه مطيّه

و من كثر ماأعشقه و اهواه في خيره وشرّه=لو ومى صبْعه على روحي تجيه (ا)بلا جزيّه

له وسط روض الضلوع العوج دارٍ مايمرّه=ويدري انّه هو حياة القلب والقلب و سميّه

لكن الجاش الخلي حرّات غيره ماتحرّه=لو يشوف اللي يودّه وارد ال / حوض المنيّه

ياليال الوجْد كفّي ما لعين الحب قرّه=والأمل ودّع متاهات الحلوم السرمديّه

حتى جيب الصبر ماخلّى حبيبي لين طرّه=راعي ال / خمس الحواس و ضيّع (ا)حقوق الرعيّه