تخيل .. بعد غيااااااااااااااب

[مبارك أبوظهير]

*


بعد غياب له ظروفه الخاصه .. القسريه ... أعود لكم بهذه المتواضعه .. راجيا قبولها .

*




تخيل لو تفارقنا وكل ٍ راح في حـاله=وبعد مده تقابلنا وش اللي يـطــري فـ بــالك ؟؟

أنا بتشوفني ضايع غريب ٍ تـعــْــبت أحواله=وأبيك تقول من بعدي أمــانه كيفـها أحــوالك .؟؟

ترى من غبت عن عيني فلاني ياالغـلا دالـه=أحاتيـهـا الشـمـاته وشـفـتـها بعـيــون عـــذالــك

همومي صارت فـ بعدك علي ْ يامنيتي عاله=وانا ادري مـاتـروح هـمـوم قـلـبــي غـير بقـبالك

هو غياب وقلب جوي وخلا ّ حالتي حاله=أجل لوهو فراق شلون أبحيا بغــيـره وصــالك ..؟؟

حبيبك دايما تبقى ورب البيت في باله=يبيك تكون مــثــله دايـــما يـبــقــى عـلى بـالك

يقولون العـرب منهو تولع فـي حصى شاله=وش يسوي أجل منهـو تــولـع بـــك ولا شــالــك

أثاريها المحبه يالطيف الروح قـتـالـه=مصيبتها تـْـخـليك تـْعـشـق مــن كـــان قــتــّـالك

أنا هذا شعوري في غيابك جاري إرساله=أبي يستقــبــله قـلــبك قـــبل ياصـــل لجـــوالك

وابي منـّك بعد شرح ٍ مفصل يشرح الحاله=عن أوضاعك بعد ماغبت عنـّـك كيفـــها حـالـك ؟

تعـال إشتـقـت لك واللي حمدناه وسجدنالـه=أمانه ماتحـس بـطــيـفـي بـدنـيـاك يبرالـك ؟؟


*


مبارك نايف أبوظهير