احساس الليال

[طلال سويعد]

السلام عليكم ورحمة الله وبركاته00
اعتذر عن غيابي لهذه الفتره وذلك بسبب السفر00
امل ان ترقى الى استحسان ذائقتكم


جايز ان البعد عـذر بالوصـال=وجايز ان الوقت اشغالـه تكـون

بس لو لا الشوق في قلبك مجـال=كان صعبك صارفي لحضه يهون


كان ذللت الامانـي لـك منـال=كان صنت الود من جرح الضنون


من زهيد الوقت ذوبـت المحـال=بس جار الوقت عيّا لايصـون


رفقة الايـام واحسـاس الليـال=كلهاغابـت وتاهـت بالعـيـون


انتهت برسومها ركـب الخيـال=حتى نبض احساسها عود كمـون


جيت تسأل ليه من بعـد السـؤال=ماانتهى بالضيم في سهد الشجون


كان تسال عن وجودي باي حـال=عايش بدنياي عبراتي مـزون
يستهـل بعـز0 يروينـي آمـال =يمطر اصرار الوفاء فيني سكون


مانكر اني في بعادك كنت انـال=اسعد الاوقات وانت اللي تخـون


وتنتحي بي لين احس الانعـزال=يضني انفاسي عنا من كل لـون


بس بشروق الاماني لـي مثـال=طيفها قربي و لدروبـي رسـون


يبقى فيني العز وشموخ الرجـال=مايداني الـذل وللطيبـه يمـون