ويــــــــــن الرجــــــــــــــــــــال اللــــــي ؟؟

[الطامي]

هذه قصيده من أوراقي القديمه
إخترت منها هذه الأبيات
__________________



وين الرجال اللي تعرف المواجيب ×× اللي تحط لكـل رجــل قـيـاســـه

من لا يروم المرجله حاله صعيب ×× حـتـيـش لو زانـت حيــاته تعاسه

يشب فيها بإسم مجهـــول ويشيب ×× وعند النشــــاما ما يســاوي لباسه

يا هيه ياللي ودكم بالمعـــــازيب ×× واللـي تريــدون الشحـــم والوناسه

ما تاخذون أبيات مني مكـــاتيب ×× ابيــــات شـعــر ماعليها دســاســه

أبيات من له بالليالي تجــــاريب ×× وبينه وبين ضعوف الأنفس نحاسه

اتعذربــــون اللي بليا عــــذاريب ×× وتفرّســـون اللي بليا فـــــراســــه

الرجل ما يجهل دروبه كما الذيب ×× والذيب عن نومه يســـده نعـاسـه
سعود
ابيات جميله ورب الكعبه
احترت اخذ منها عنوان للرد فلم اجد بيت شاذ منها
متكامله بيض الله وجهك وربي يوفق من هم امثالك