اهل الهوى ياقلب صاغو معاناتك

[نجم الإبداع]

ياقلبي اصبر واحتسب واقبل المقسوم=وش فايده ياقلب لو زدت دقاتك
فيك الهوى ياقلب لاهل الهوى معلوم=واهل الهوى ياقلب ماجو مساراتك
انته بوادي غير وديانهم وتلوم =ماكل هاوي مقتدر في مساراتك
انته تناظرهم وتكلم من المكلوم = وقلوبهم ياقلب تاهت بويلاتك
في كل قلب الحقد به صاحبه ملزوم=وانته عليهم تذرف اليوم عبراتك
لاجيتهم بالصدق قالو نذير الشوم=وان غبت عنهم ماشتكو يوم غيباتك
لاشك ياقلبي مع اهل الهوى محروم=وكل عاشق مابكى من مقالاتك
اهل الهوى في وصلهم مثل نقس الثوم=وانته تنكد ضامرك دون غاياتك
لاكلما حاولت تاكل لهم ميدوم =تلقاه شامز مايفي يوم هقواتك
انصحك ياقلبي عن اهل الهوى وتنوم=ثمن تعود وتذرف الدمع بسكاتك
ليتك تطاوعني وتبعد عن اهل الحوم=وتعيش متهني وتنسى معاناتك
لكن ياقلب العنا كل يوم تعوم =في بحرهم وتزيد ياقلب دقاتك