لاعــــادحــب يخضع الراس لاعــأد

[سعود المسعد]

شفتك مقفي قلت مثلك باقـفي=
والنفس لاعـتادت على شي تعـتاد
لاصارمانت بواقف اليوم صفي=
والله لازيـد البعـد لك صد وعـنـاد
يانفس شومي عن غرامه وعفي=
مـادام فـيه الطيب ماثـمـر و لافـــاد
ياعين زيدي في سباتك وغفي=
مانيب ناقص هم بالليل وسهـاد
اللي حصل من تحت راسك يكفي=
صدرت مـن حـبك ولانـيب وراد
لايدورفي راسك الوّح بكفي=
فرقاك عندي ذا ألسنه ثالث اعياد
من عقب مانت بغاية احلام شفي=
ارخصت حبك روح ماعنك نشاد
لاتحدني اكشف لك المستخفي =
خل العلوم مستره يابن الاجواد
اسمك شطبته من وقايع ملفي=
لاعاد حب يخضع الراس لاعــاد