النوايا الواضحه

[عبدالعزيز البليهد]

عذرا للغياب سامحونا وكل عام وانتم بخير وصحة وسلامه

خاطره بأول الربيع 15/3/1433



http://im22.gulfup.com/2012-01-15/1326632728886.jpg



انحشت عن كل اللجج والظليمـه= يم الخلا يجلى بشوف الفضى غم

فكري سرح مابين طلـحٍ وغيمـه= وعطر النفل لاهبت النسمه يشـم

في روضة مادوجت بـه بهيمـه= ولابدع بطرافـه الغـرس واليّـم

تحت السما من دون شبكٍ وخيمـه= ماغير طير السدر حولـي ترنـم

لله در اهـل الشيّـم والعزيـمـه= اللي رقت من غير خـالٍ ولاعـم

هل النوايا الواضحـة والسليمـه= اللي علـى ماقيـل بوجيههـا دم

قربه غناة وسعـد فـال وغنيمـه= عزالله إن حضورها يجلـي الهـم

بالحكي غيبه وإنتقـاص ونميمـه= والمدح بالحاضر قريبن من الـذم

ومن يطرق المجلس بليا عزيمـه= ردي نفـس وجـاهـلٍ ماتعـلـم

وراع الطلايب كل شخصٍ خصيمه= يبحث عن الزلات واللمز والـذم

الله يخيّب هقوتـه مـن غريمـه= لو كان نسل شيوخ شيـخٍ معمـم