العلم خير

[نجم الإبداع]

السلام عليكم
الاخوان الكرام
اسعد الله اوقاتكم بكل خير
عدت اليكم بهذه الكيبورديه ( علومي بعد الغياب)
اتمنى ان تحوز على رضاكم

اول كلامي ذكر رب السموات=الي بحكمه من عدم صور الكون
الرازق القهار ذا يحيي الاموات=منزل آيات الفلق تبري الكون
الحمد لك يارب في كل الاوقات = ماغيرك انت يجيب من ياتشكون
يالله تعز الدين واهد اهل الاصوات=وارفق بنا واخز الذي بك يشكون
واحفظ بلدنا عن طريق الحقارات= والخوف من تبذير ناسٍ يلكون
يالله طلبتك ترخص اسعار الاقوات=وارحم عيون ايتام من ضيم يبكون
ثم الصلاة على ختام الرسالات=محمد الي بين الحق بركون
من بعدها مني جميل التحيات = على الذي يقراء وبالود مسكون
غبنا عن الساحات في ظل غايات=راحة مسافر واصبح الفكر ملكون
ريحت حرف الشعر واثر العلامات=في القلب بين افكار دايم يسكون
حسيت بي وحشه وبالروح لسعات=من فارق احبابه به اجروح ينكون
انتم لي المتنفس وظل راحات =ماقوى فراق اهل الهوى لو يلوكون
سافرت للباحه تذكرت مافات = مريت من وادي مراوه ومزكون
مويته تجري للهوى فيه نسمات= ريح الحبق وثمار رمان يزكون
من قبل ياجي الخط ياهي مسافات=جبال مايرقى عليها اهل سلكون
ووادي الشاعر يثير الحكايات= غابات مايدخل بها كل موكون
حقيقه ان الجو بالديره لمسات = خصوص عقب الظهر والغيث بوكون
خصلة عنب طازه وللتين وخزات=والخضره الي تبهرك يوم يحكون
رغم الجمال ورغم كل السهالات= رجع شريط العمر واجراح يذكون
يوم افتكرت احبابي ازريت لاابات= هليت دمع العين عني يزكون
زمان كان الود كنه مرايات = كانت نفوس الناس بالطيب يتكون
واليوم به تبذير واسراف مرات= وبه تفاخر واصبح الدين مركون
كثر العزايم ماتريحت ساعات= هذا زواج وذاك واجب يذكون
الله يكثر خيرهم اهل عادات = والي اعتذرناهم عساهم يفكون
لفيت باعلامي عساها سلامات = والله يجملني مع الي يحوكون
هذا وصلوا عالنبي في سجلات =عداد من سبح ومن عاش بالكون