(( قولي أحبك ))> كيبوردية

[مبروك بن ماضي]

( قولي أحبك )
***************
آقول أحبك حيل وتقول (مابي) = وآقول انا اهواك وتقول لا لا
الله يازين الدلع ياصحابي = فيها وياحلو الغنج والدلالا
جمالها من دون مدري سطا بي = غرامها صال بْخفوقي وجالا
وان جيت اباعبّر لها عن عْجابي = تعجز حروفي عن وصوف الجمالا
وآقول ردي لي بردٍ إيجابي = تكفين مالي عالصُدود إحتمالا
حبيبتي رفقاً بحضرة جنابي = كم مرةٍ دمعي على الخد سالا
مازلت ناطر يالغلا للجوابي = قولي أحبك جاوبي عالسؤالا

*************
أخوكم ومحبكم / بن ماضي